Sei que me tira o corazón, que cando queres a alguén nunca podes ser de todo obxetivo, e non o serei. Quero as fragas, queroas dende fai moitos anos, dende as nosas acampadas cando aínda se podia acampar, dende a miña inconclusa triloxía con trashnos que contaba as historias de Caaveiro, Monfero e o castelo de Andrade...son tantas cousas que non implicarse non é unha opción.
Outra semana mala de traballo desta vez con gañas de mandalo todo a merda de verdade é tamen sen entrenos, ise cóctel molotov que fai que o meu bo humor me convirta nun ser huraño, eso si con cea do cas montaña polo medio. A pesar de todo estaba cen por cen de cabeza pero cincuenta de pernas.
O único punto negativo do dia parecia que ia ser a calor, e sei que non foi nin a mitade do ano pasado, pero é que non o aguanto, me consume. O resto foi todo positivo nesta gran festa familiar que foi o trail das fragas do Eume.
Pero empecemos polo principio. A pesares de facer o trail corto e saír ás dez quixen chegar cedo para animar os da larga e ir con tranquilidade. Eran as oito e cuarto, aínda non había demasiado ambiente, pero alí estaban as dúas jabatas Rosa Armental e Arantxa tomando un café con bola no maleteiro do coche, así k alí kedei, de parola e comentando como ía ser o trail. De camiño pasou un amigo k fixen no Xalo e Luis Couto e alí estiven de charla un bo Anaco. Socializar e parte da vida e no monte moito máis. Baixei a polo dorsal e comezaron a chegar compañeiros, previa ameaza de Rakel que ía de escoba no corto de que non m quería ver, non fixo falta e a verdade que hoxe tiña moita confianza en min. Na zona da meta estaba Jabali entre Metal entrevistas e animar o persoal. Namentres a xente do largo xa estaba preparada, Felipe, Edgar, Arantxa, Luis, Blanca y Miss Fabiola a dalo todo. Conta atrás e 31 kms por diante. Xa quedaba pouco así que fomos a poñer o dorsal e a cumprir cada un coas súas manías persoais...non levei a mochila nin manguiños nin guantes, vin o sol ameazante así k si levei a viseira. Un pouco de quecemento e xa a pasar o control de saída. Dudei, pero seguín a José Luis e a Cepi, tende en conta que eles son pros, eu aínda principiante, pero sentíame ben, por que non intentalo? Se non o intentas será imposible que o consigas.
Dez, nove, oito.....cero e saímos!!..como motos a verdade, deixando atrás un montón de tráfico, case 300 corredores, imaxinádevos se collíamos un tapón!!🤕🤕🤕. Pero neste caso a estratexia si foi intelixente, os dous primeiros quilómetros eran pistas anchas con posibilidade de adiantar así que neste tramo fomos moi ben, o finalizar estas chegaba a primeira subida, dura, e ahi ía con forzas así que tirei e xa tiña a tiro outra vez o dúo do cas que perdera nas rectas. Chegados arriba recuperamos folgos e a baixar de novo, abrindo máis camiño, outra pequena subidiña e chegamos o penedo gordo. Ata aí todo ía de cine, seguía vendo os meus compañeiros e acabei collendoos antes da recta, pouco despois unha das zonas máis bonitas do trail, unha fervenza e unha pequena parte técnica polo río, encántame. Máis rectas e ahí chegaba a gran baixada, primeiro unha perigosa sobre pedras para pasar a de Zig Zig. Baixabamos como animais, cada día con menos medo. E case chegando o final da baixada o peor do día, o meu amigo e compañeiro Xosé Luís polo chan cun nocello lastimado, eu parei, pero é que tamén pararon os vinte que viñan detrás, que mostra de solidariedade, nses intres a ninguén lle importa a clasificación, nos seguintes minutos só recordo a J. Luis botándome, así que o final a regañadentes baixei o avituallamento para avisar pero xa o fixera a gran Paula Cobelo, que saíu como unha bala e a que non vin máis en toda a carreira. Fastidiado polo de José sabía que o mellor que podía facer era dar tdo o que tiña dentro, saír da zona de confort coma sempre me di e adicarlle a él a carreira e iso fixen.
Saín pola banda esquerda do río rápido pero con coidado, chegando o mosteiro de Caaveiro en pouco máis de unha hora e dez, ía ben pero tamén sabía que quedaba o peor. O mosteiro, parei facer fotos, a fervenza, lugares únicos, preciosos. O río Eume con toda a súa variedade, e collimos o caudal dereito do río, máis duriño, con subidas, baixadas por corda, zonas técnicas, paisaxes marabillosos, co cansazo xa asomando é pouco a pouco chegamos o ponte colgante do quilómetro doce. E levabamos hora e media. Sabía que non deixará nada na reserva, que ía a tope, así k tiña k baixar para poder chegar pero antes tiña unha pedazo de subida das que m gustan pero entre o sol e a fatiga custoume, fun levándoo, ritmo constante, pero cando chegou o momento de baixar notabame sen forzas. Así que fun tanteando e utilizando a neurona, que Pa algo a teño, o meu obxectivo era facer entre dúas horas e media e tres e o tiña moi cerca, só había que administrar as forzas. Nova subida e xa os dous últimos quilometros. Aquí só pensaba dúas cousas, que ogallá estivera o meu Xoel, e que me estaba pasando moita xente. Xa non importaba, que máis ten chegar de oitenta que de cento dez?. Así k fun dosificando ata a recta de chegada, mirei cara os lados, Xoel non estaba, pero si a meta, ese lugar o que todos queremos chegar. 2 h 24 minutos, obxectivo cumprido, eso si, cheguei o borde da extenuación, coma nunca o sentirá, tiven que sentarme a sombra, respirar, beber auga e recuperar. Fóra duro, moi duro, pero inmensamente bonito. Na meta o gran Franky grabandonos en vídeo e cando consigo levantarme vexo a José Luis e o seu nocello. Acompañoo a meta para poder sentarse e ver a xente chegar. Entereime que Paula ía facer podium, e o final primeira!! Non fun capaz de collela, ía como un raio. Foron chegando amigos, o gran Barral do pasa ou Entorna, antes xa chegaran Freire e Adri, Felipe, Miss Fabiola, terceira, Blanca segunda na súa categoría, Luis, Arantxa, Javi, Cris, Sabeliña Fraga, Bego Lois, Moss, Susana, Tina, Rosa e Manuel, o gran Pichi hoxe de cámara, Javi, grazas polos teus consellos...amigos amigos e máis amigos do monte....seguro que me olvido de moitos, outros nin os vin, pero o ambiente postrail increíble entre cervexas e paella. Ata que chegou o momento de recoller e asumir as miñas responsabilidades como pai, así que cun sorriso enorme, canso pero sin dor no meu dedo e a felicidade no corpo e pensando xa en chandrexa funme, prometendo voltar pola miña conta.
Conclusións: Organización de luxo, speaker de primeira, avituallamientos perfectos e ben colocados. Noraboa a Blas, Rakel e demais voluntarios, fotógrafos, cociñeiros, un día grande. Para min o trail das fragas do Eume esta no podio dos trails galegos.
Para o ano que vén prometo apuntarme ó longo. Fotos dos podios de Paula, Blanca, Fabiola e Cas montaña segundos da xeral como equipo.
Será muy bonito. Pues esta gente que lo organiza son un poco discriminatorio cuando les criticas no te dejan asistir al trail Como fue mi caso que me invitaron a no asistir ya que no era grata mi asistencia.
ResponderEliminar